Wednesday 29 June 2011

USA KAH KOL KHO

Kol kho ah n'om vengah tah barhih kueihuet lah n'om uh dueng mueh lah Bitat sai sih ti khoh haben habang lah khoepkhoep apit uh. Thuinuet na lah'


Boeih n'ming uh coi ni U Zung Cin(Lai Hoel) loh amah imhel ah Tui Electric a ang sak van de Barhan loh atuk tih vik apit sak. Thlang naw kho koi nih Barhan loh tha apeh sui tih thaihu thaiha oenah abom acem hat sui de ta ke.
Ka thui ngaihna tah Kol kho khaw ah thoemthai nah sai thai nah a om akhoh seh Barhan loh longpuei ong nawh. Tahe Ram (3) na lah ka pha rhoek maya mana moeh n'om uh. Ram (3) na atah mah n'thoem ang n'sai thai anglah thai hu n'tong thai n'sai thai. Thlang kah kut hui ah bakoep khing cakhoh seh mah kah thoem thainah,poek thainah(idea) kang a ka ha ham ni.


Tahe USA ram Iowa kho ah kol rhoek loh saw alet uh naw he so uh van mai lah. Mamih ta n'sai thai van nawh mue aa? Bang loh le n'kang kai?
USA ram, Iowa State, Des Moines kho kah Simply Asian dor he Kol Kho, Shan Ram kah Ko Aung Han neh Ma Honsam yuva loh a sai rhoi. Kol buh-an ca-ok naw, Thai Cak-Ok , Dan Pauk naw ayoeih rhoi. Mah Kol thlang dueng mueh lah Merang naw loh khoh kol Cak-Ok cak angaih van tih tha apeh uh van.
Buh-Ann aka thong Honsam mah he Des Moines kho kah Thai Buh-Ann dawr King and I dawr ah kumkhat abi pahoei longah amah poek Simply Asian dawr asai thai lah om.
Simply Asian dawr a om nah Douglas Avenue Plaza huen he ah Simply Asian dawr dueng mueh lah athloe kol hoel loh asai dawr naw khoh moeh om.
 Win Kyaw neh Win Thant kah ,Golden Land Grocery Store, Kachin nu Ma Lun Naw kah Amazing Beauty Saloon, Htoi Sam kah  Htoi San Fashion House oenah athloe kol dawr naw khoh moeh om tih Mirang rhoek loh Burma Town lah aming abuen uh.
Bii pakhat n'bi vengah Tangka huh dueng n'poek mueh lah Tangka khoh toeng n'huh ham thoemna (Pingya) khoh toeng n'dang ham he n'poek ham om. Thlang kah tawhyoeih mat n'bi khoh the aih nawh.
Thlang loh n'huhsit lak ah mah neh mah n'husit uh aih he then nawh. Thlang asai thai van ka sai thai van ham om ta ti kopoek khueh ham om. N'sai thai n'thoem thai nah n'khueh khoh thlang tamdeng na ham moe nih .Ka ming mueh patoeng n'thuinuet thai ham ni. Mah oen mah n'pom sang nah khoh oek thlawn na ham moe nih Mah n'rhoeng na ham ni. Ti deng ni hailam ah n'rhoeng eh.

Saturday 25 June 2011

Anu Impom Laa

1993-December thla Vengah cun kung Anu loh he thlanmol vik n'khum tak.  Tlemben tue apha tih lo lam noeinoei athoeng vengah ka kopoek khaw mai ah Anu khoh pak kathoeng van koem la koeih.Ka lamtawn thloel vengah tah aw! Anu duek oem coeng de naw he koep ka tih.
Bituen khoh bituen naw khoh lo seh Anoek vengah tah Ai khongbae thluk veng ke ah Anu kah Buh-ann athong tuenpaw ol koekoe ka yak. Anu lungma aduek coeng atah Khoyin ka ih tih Pak ka hinghang vengah Anu kah tuenpaw ol rhawp ka ya nawh tukai le canghin tah Anu muelh aa a ih tih Buhthong athla kai ka tih koep ka poek het veng dengah Aw! n'thlem ah Anu duek oem coeng de naw ka tih.Ka kopoek loh rhawp katang nah thai nawh.

Anu lungma aduek pahoei dengah tanghra ka awng. Aw! kai kah tanghra awng Anu loh ming koi nih bahoeng a uem hat sui de ka titih athaw lah ka ko the bal.

Kum kho loh khum hang tih thlangkho thlang ram ka pha.Ka kut dongah tangka phaisa ayol akai ka pom bal vengah tah aw! Anu loh n'cun dueng mueh lah he yet moeh n'cawm Kai kah cini,lungkeh ka lai acak voel mueh lah ka ti bal tih ka ko avaibe lah koep the bal.

Tih,tahe Anu Impom laa he ka telsuen mai lai nawh tih lungbuei dangdik long kah ka cip ngaina,kothena,yutna oen ni ka tel. Tuen uh van mai lah.

Share & Enjoy

Twitter Delicious Facebook Digg Stumbleupon Favorites More