Saturday, 27 September 2014

Paham Rev. Ngai Tim

Sunday, 24 November 2013

Window 8 Dongah Zawgyi Font Honah Thai Ham




Window 7 ka longah Window 8 lah patoeng version atho vengah apap ngai tah Zawgyi oenah atel kol fonts athen lah balh ah tueng thai nawh. Te kah Zawgyi Kol Fonts athen lah balh aka tueng thai nawh te atueng thai na hamla ahui kah anglah along a im he eon he ah n'sai atah athen lah balh tueng thai eh ni.
Lumha lah ahui kah Zawgyi one Font, Zawgyi Typing Keyboard oenah IEZawGyiGtalkfont rhoek he Download lang install sai.
Zawgyi One Font
Zawgyi Keyboard Typing 32 bit
IEZawGyiGtalkfont
Zawgyi Keyboard Typing 64 bit

Amah he kah (3) he download boeih na sai tih install na sai pahoei ah ahui kah amuei katueng sak ang lah he koep sai.
Step (1) Control Panel ong lang tah  All Control Panel Items teh koep ong. Te pahoei ah ahui kah katueng anglah  Language a tite duep.


 Step (2) Ahui kah ayuk dong kah angla Advaced Settings tite click sai..

Step (3) Ahui kah aka tueng  Override for default input method tite thlam lang amah te hui kah Bar dong kah English(United States)- Zawgyi Myanmar Unicode L atite tuek (Select) sai  te coengah Save. Amah te hil na coeng coeng atah window 8 dongah Zawgyi Font na ho nah thai coeng.






Friday, 10 May 2013

N'KEL PHUN LG - PRINTER

 LG PRINTER



 LG company loh a sai he kah printer he 24 millimeter kutrham tet tah lo ca tih n'ceh nah kung ko ah angki yal, Bawngbi yal dong ko ah rhoelrhoel n'yom thai ca phun lah a sai. He kah printer ca oengah Photo khoh n'print thai, tede amah printer hamlah tloep a sai caku te ni n'ho nah thai lah a om eh. Printer ink hamlah khoh dye crystals (a rawng thim si) keh a ho na lah bal.
 Android Smart phone naw oen n'loh mueitlip naw te Bluetooth (or) USB, NFC (Near Field Communication) ho nah oenah photo naw pahoei n'loh thai lah om. Printer phu tah $ 200 lah a yoeih tih Photo paper thukkhat (tlap 30) teh $ 18 oenah n'lai thai lah om.
Hlanghing kah cuihnah rhap pai heh oe poekvoel, hukvoel mikpalap ah soeprhip soeprhep a sai uh rhap coeng tih kopoek rhai ham khoh om thlang mai lah. Mamih tah syn ham thui boeh de sih thlang kah a sai tangte kang na khoh koek ah n'ho nah thai nawh. Ming nawh bal vengah thlang kah nuihbu kamrhing lah khoh moeh dat n'om.
Hin khat vengah, Malaysia ram ah mah Matu hoel pakhat loh phone aka then taw $ 600 phu lai lah koe cai. A paya loh " $ 600 phu na lai van tawtaw atah camera aka om phun ke pahoei na lai mako a nah de"
A yah ! camera ka om phun tah om mai seh aa! Film phu a hoei lah moeh ka boeih bal he ni a titih lai a rhih" ang lah ni sut n'om coeng ka ti mai.


Tuesday, 7 May 2013

Microsoft Office 2010

Free Hosting ka ho nah tih Microsoft Office 2010 he ((4)GB lo) vaikhat lah upload boeih ka sai thai nawh tih (200)MB pali lah ka pek.Pakhat coeng pakhat download na sai pahoeiah Folder pakhat sai lang te kah folder dong teah download na sai tangte Boeihah khueh. Rar Files lah ka sai tih rar files te thlam angoe pueng ni. Rar file tlam nah hamla a so bik kah (WinR) te download lang install lumha sai de ne. WinR-v5.0B3 Final
Mic-Office (2010) Part1
Mic-Office (2010) Part2
Mic-Office (2010) Part3
Mic-Office (2010) Part4
Free Hosting lah om Files he " delete" tlek a sai mai eh ni.Khoemah delete a sai atah koep n'yak sak ne.
Download na coeng pahoeiah, File te "Right" Click lang ahui kah ang lah thlam parhap,
Molhumsom

Saturday, 4 May 2013

General von Manstein Loh Atuek Bii Bi Kung Then

Germany rhalboi General von Manstein loh officer a tuek vengah lumha lah phun (4) lah a pek, te coengah a khehneh lah acek aboe tih a tuuek. 

1. Bii bi a ka yawm thlang (Hard Work)

2.Bii a ngak tih aka palyal thlang (Lazy)

3. Mimuma lah a ka om thlang ( Stupid)

4.  Bii bi veng thayoei nah aka poek thai thlang (Intelligent)

Tilah bii a bi veng thlang kah pongthoh te anai anong het tih phun (4) lah aboel.

Bii callah lah a ka yawm tih bii a bi vengah rhimrhum rham  lah a ka bii thlang te bii pahoei a phoh. 

Bii aka ngak thlng tetah  rhai nah a ka peh mueh thlang lah a huh tih bii sang a peh muehlah amah a bii nah huenah phat a bii sak.

Bii callah a yawm tih a thlok khoh a ka then thlang tetah a ka haikhang thlang lah a huh tih bii bi then a peh. Tede bii bi sang (Manager) hil te tah peh nawh.

Bii abi veng thayoei hoelhhoel a ka thlap thlang tetah bii sang koek peh hamlah a hoel. 

Tuele ti atah a thlok then de bii bahoeng aka ham thlang loh tah bii mat atok dongah khopoek voek nawh. Heheh meti anglah kasai ah le tha bet ayoei eh tikah poek nah khueh nawh. Te dongah bii kawng dong kah olpuei koek ahun (main) te ming voel nawh. poek rhaw khoh poek nawh. 

Tha angak de athlok aka then thlang loh tetah bii a sai vengah heheh meti ka sai deng ah le ka tha ayoei lah poek eh tith thayoei nah a long a im te vutvut a poek na doeah bii a sai.  Bii bi dong kah ahun (main) te athuep tih thayoei ca oen a law lah aboeihnah thai hamlah a yawm. Tilah a sai dongah thayoei nah ham a long a im khoh a dang thai, tha oen dueng mueh lah tha neh thlok pahit bok a bong tih bii a sai dongah te bang thlang tetah bii bi a sang koek bii a peh.



Thursday, 11 April 2013

MAH KAH BII MAH BI

 Hinkhat ah Marhang pakhat tah rham awpawp a cak nakung ah Metang loh cak hamlah duemduem ame. Metang loh cak hamlah a me te Marhang loh mikken oenah suei a huh tih khodoeh lah tlangthlap a sak peh uh. Merhang tengah apha vengah,

Metang     : Yah tule khodeh khodoeh lah na oeh na ceh
Marhang   : Tapek ah dumhe kapaw nakungah tleh ka rhuk tih he, Nang kai cak hamlah nalo atah kai kho dong kah tleh heh lumha lah nan loh de mako, tleh na loh muehlah mai nan cak atah namah khoh olrhong ah tleh na rhuk a ni

 Metang loh tang-oem ah titih Marhang kho dong kah tleh te lumha lah ka lo eh titih athen het ca lah a sawt vengah Marhang van loh tha a huel het tih a huimong ah mawm a pep tih metang kah a no bamluem lah a rhul peh.

Metang tah kothe ruilah " Apa loh tasu tava tuk tih cak hamlah n'cang puei mai na vat ah kai loh kamah kah bii duem ka sai mueh lah ka sai mueh koi dat ka sai.  Sai koi mueh ditdit datdat sai ham lah Apa loh n'tukkik nawh de naw titih dikdik yut uh ti.




Sunday, 24 March 2013

Omdam Hilhna Lah


Tiger Wood A yolca.....

Motor Pawn Moenih Thlang loh huen ve ka ti dongah ni...

N'awt kanoek de saw namuei mah...

Mah bawthe Mah Loh ayok tite hebang de ma co

Friday, 22 March 2013

Window 7 64 bit Hamlah Zawgyi Keyboard

Window 7 he 32 bit neh 64 bit om. Mah kah window teh 32 bit aa? 64 bit aaa titih ming na ngaih atah Program dongah cet, My Computer teh right click sai, ahui bik kah properties teh duep. Te ah Ram meyet lae, Window 32 bit aa? 64 bit aa teh vathong buet ni. Tule heh ming angoe ti atah Zawgyi Keyboard Layout install sai vengah menanglae install n'sai eh tite ming angoe. 




Win 7- 32 bit  dongah Zawgyi Install Sai ham

Window 7 32 bit dongah Zawgyi install sai hamlah tah Blog keng kah ka om Zawgyi-One Keyboard tilah ka tel te download sai lang install sai. Install aboeih coengah Computer restart ham angoe eh ni. Computer restart sai coeng koep a ong angawn Language Bar tueng eh ni. Tetah kol ca tel thai sawt thai coeng.

 Win 7- 64 bit  dongah Zawgyi Install Sai ham

Win 7-64 bit dongah Zawgyi install sai hamlah tah win 7 -32 bit neh bet ca vai arhoi nawh. win 7 -64 bit dongah tah voi (2) intsall sai angaih. Lumha lah Blog keng kah Zawgyi-One Keyboard Layout ter download lang install sai. Computer restart thla tih koep a ong uh vengah Zawgyi-One for win 7 64 bit tilah katel te download sai. Zip file lah om tih Download na sai tangte File dong teah Right click duep, crack here tite koep duep thil. Zawgyil tilah folder nadang eh ni. Folder khaw kah zawgyiL-amd64.msi teh duep lang install sai.  Te coengah setup.exe te install sai. Languge Bar ca va thong poen eh ni. Na ho nah thai coeng.

Samsung Phone Dongah Kol Caa


Tahe dung kah thlanghing cuihtoemna loh khohi apha coeng tih poeknoek poekna mueh khoh hawhhawh a sai uh mailai coeng. Kol ram van khoh seh Global tuiho loh thluih a lii van coeng tih tahe tah thlangtom loh phone rhip a pom thai angtoek lah om coeng. Thlavai buet veng kah sel nu pumha phu deng loh ake phone phu te tahe tah selnu pumkhat phu oenah lai thai lah om coeng. Phone dongah Mail khoh pahoei cekboe thai coengah olthang kalii naw, Facebook titih paya laikoi voekthlak nah naw khoh seh phone dong kalongah kang n'sawt thai lah om coeng.Phoen dongah kol caa oenah atel olthang kalii naw khoh pahoei sawt thai hamla Android phone dongah kol font det nah a long a-im bet thui ka ngaih. A ka ming tangte rhoek khoh na om mai poen de coi ni aka ming thlan rhoek patoeng ham mai lah ni. Lumha lah Phone neh Computer acong (connect) nah thai hamlah Phone n'lai veng kah pahoei n'peh CD te Computer dongah install sai angaih. Phone n'lai veng kah n'peh CD tenim vik naha sak ouh atah SAMSUNG USB DRIVER  heh duep lang download sai.
Te coengah Phone neh Computer te cong(Connect). Computer dongah namah kah phone a tueng coeng atah Myanmar Font tilah folder pakhat sai. Te coengah he kah Myanmar Font heh duep lang download sai. He kah Myanmar Font he Zawgyi_One.apk , Fontomizer_0.8.apk neh FrozenKeyboard_1.1.3.apk titih Android Application pathum lo eh ni. Te kah Font pathum boeih te download boeih sai lang tapek kah Myanmar Font tilah namah kah Phone SD card dongah folder na sai dong te ah khoem. Te coengah a hui kah anglah Phone setting dongah cet.


                                                                 Application te duep

                                              Te coengah Unknown Source te ayah (✓) peh

 Te coengah Myanmar Font neh Keyboard install sai hamla Phone dong kah My File te ah cet.

 My Files dongah nakhoem Myanmar Font tite duep

 Ahui kah aka tyng anglah Application (3) te Install sai

Example lah Zawgyi_One.apk heh install sai la sih




Tecoengah ahui kah anglah koekthoek sai



 Ahui kah anglah Frozen Keyboard te ayah (✓) peh


Te pahoei ah  FrozenKeyboard  kah aso kah  Select input method te ah cet



Ahui kah aka tyng anglah Frozenkeyboard te duep


Hehil heah Kol caa n'tel na thai hamlah boeih coeng tih tahe kol caa n'te thai ham ahui kah anglah koep sai ham om eh ni.


Ahui kah angla Display dongah cet 










Boeih Coeng






 Note : He kah kawng heh SAMSUNG phone dong kah ham ni ne.

Tuesday, 19 March 2013

Lai-Am Refrigerator

Electric a om na nawh huenah Refrigerator a ngoe muehlah Thingthaih Rhampu Toi-an athing lah a rhong na nawh ham Khoem nah  Lai-am Refrigerator lah ng’ho nah thai along a im Nigeria hoel Mohamad Bah Abba loh a sai. He kah Lai-Am he tah Marang ol lah The pot-in-pot refrigerator a ming nah tih Arabic ol lah Zeer ttilah athui. Lai-am Refrigerator dong he ah thingthaih rhampu oen toi an naw a rhong na nawh thai hamlah Electric Refrigerator van angla khohin a sawn thlang n’ khoem thai van. Mohamad Bah Abba tah Lai-Am Refrigerator asuen thai dongah kum (2000) kum vengah Rolex Award for Enterprise kutdoe US dollar ($75000) ahuh coengah kum 2001 vengah khoh Shell Award for Sustainable Development kutdoe a dang bal. Mohamad Bah Abba tah a manu a napa dung ka longah Lai-Am aka sai rhuirhong phun lah om. Tih huksul thuep sih tikoi nih he tilah toi-an oen thingthaih rhampu a rhong mueh lah thingsuep lah n’khueh thai a long a im he a suen a yan Egypt dung ka longah va tong uh coeng tite Egypt dung kah mingthang Mummy kawng dongah n’huh thai lah om. Khrih a om thlan BC 2500 yunyan Egypt ram Old Kingdom dung vengah cak-ok a thingsuep lah a om nah ham Zeer tihe a na ho nah uh coeng. Te ka longah patoeng tahe atah Mohamad Bah Abba loh Lai-Am Refrigerator lah a sai van. 

Sai ham tah,
 
                                       Lai-Am alol aka put alen pakhat oen a yol pakhat angoe.. 

                                      A lol kah aput te dikpo oenah khoep bet..

                                               Lai-Am a len khawah a yol te up.. 

                                  Lai-Am pahit kah a rhep te ah Laivin a bae ca lah than.. 
                                   Laivin dong teah Tui a cap voel na nawh hil ah tui loei..  

                                    Amrhai teh himbai pawn (Tuiyol hi) a sul oenah khoep dah.. 

                                                                    A tlip khawah khueh

A so kah um rhai khuk nah tuiyol hi teh ngue na sul sak angoe. Khonoek 2 khaw thlik a div coeng   tah Amyol te dingsuek lah om poen eh ni. Thingthaih rhampu, toi-an khoem na ngaih teh, a khawah na seng thai coeng. 

Boeih na seng pahoei ah a Am-rhai teh tuiyol hi oenah ngue hup angaih eh ni. He kawng he Wikipedia dongah khoh akheh neh lah na sawt thai. Naw tah Google dongah Pot-in-pot refrigerator tila khoh na tel tih na tlap thai. Mah kho ben Refrigerator a om na mueh huen ko kah ham callah then eh ni ka ti tih ka thlum mai ni. 

 He kah he ngawn tah kamah ham lah ka sai de boel he ding aih tih tek lah hut voel nawh): p

Sunday, 17 February 2013

Coffee oen Beer Ok na Doeah Battery N'tun Thai

Coffee Abae oknah khawt neh Beer Ding oknah khawt ka longah Phone Battery tun thai nah New Castle, Pennsylvania kah US company pakhat loh a sai tih 2014 kum tong cuekah ayoeih ani tila Daily Mail dongah huh lah om. Te kah phone battery tun nah te Puck tilah aming apeh tih pkhat ah $ 73 oenah ka yoeihthai eh ni tila lah Tim Joseph loh athui.

                                                Beer khawt oen Phone Battery tun veng kah

                                                                    Coffee ok na doeah


 

Friday, 28 December 2012

Kol Fonts

Kol Fongts aka ngaih rhoek hamla, Kol Fonts abuemboeih lah 150 thlai lo. Kol ca lah Design sai ham, Wedding Invitatio naw tel ham na ngaih atah Fonts athen then naw moeh om. Loh aka ngaih loh naloh thai. Zip Files lah kakhueh tih download na sai pahoei ah, na download tangte te voihit click sai parhap. Fonts atueng pahoei ah fonts te select boeih sai lang, right click duep, te ah te install tilah atel te om eh ni, tekah install te duep parhap, namah kah Computer dongah Font pahoei lut buet ni. Heah Duep

Download Sai Lang Honah Uh van mai lah.

Molhumsom

Thursday, 27 December 2012

Rhuet Thaih Aka Yoei Numhaica




Kholing kholai khawah Numhaica pakhat tah rhuet thaih a yoeih. Rhuet thaih lai ham akangaih thlang pakhat loh “ Nuham rhuet thaih heh saa aa?” A tinah.

Rhuet thaih aka yoei Numhaica loh “ a hingsuep ca ngai lah aka om  heh saa, ip-op-ap lah aka om teh saa nawh” atinah. 

Rhuet thaih titah aka saa koi lah a om dongah a kalai kung van loh khoseh Nuhmaica kah athui anglah hingsuep ngai lah bet a ka om a ka sa koi te thloep a tuek tih a lai. Thlang tloe rhuet thaih aka lai rhoek loh kho seh Numhai ca kah athui anglah hingsuep ngai lah aka om aka sa koi kak te atuek tih a lai dongah hingsuep ngai lah aka om rhoek te tlawp boeih tih ip-op-ap ngai lah aka om rhoek dueng te atang peh.

Rhaih a om atah athloe rhuet thaih aka lai ham thlang koe lo bal tih numhai ca na lah “ Nuham rhuet thaih he saa aa ?” a tinah bal.
 
“ a thaih yawl bet aka sawn ca tetah saa tih athaih tibangkawk lah aka om tetah sa ngai nawh” lat anah bal.

Rhuet thaih aka lai rhoek loh aka saa phun te atuek uh bal tih thlawp alai bal, tih rhuet thaih tibangkawk ngai te hut lat tang bal. 

Rhaih a om atah rhuet thaih aka lai ham thlang koe lo bal “ Nuham rhuet thaih he saa aa ?” a tinah bal.

“ tikhaurau ngai lah aka om te saa nawh , noepadawk ngai lah aka om teteh saa”  lat a tinah bal.

Rhuet thaih te kholing loh hap akeng ngai coeng dongah noepadawk ngaikak lah boeih a om peh coeng. Tih aka lai kung rhoek vanbal loh kho seh aka yoei kung kah a thui angla aka sa koi noe-pa-dawk ngai the a lai peh . 

Noepadawk ngai lah a ka om rhuet thaih te a boeih coeng atah, Im kah longah yoeih hamlah akhuen rhuet thaih te thlawp a yoeih thai tih Rhuet thaih a coih a om mueh lah im lah n’thlih ngaivang nah a om muehlah im lah mel. 

Rhuet thaih aka yoei Numhaica te caa khoh a ming moe nih. Tede amah kah bungkhutnah bii bi lah a om vengah tah a sai ham koi te aming. Tilah ka sai koi nih then eh ni, tite a bii bi loh a cang puei dongah boeih aming lah om.

Sunday, 23 December 2012

WESTERN UNION KALONGAH KOL KHO LAH TANGKA N’PAT THAI COENG



Delai han kah Ram (200) khawah tangka pat thainah yung aka khueh Western Union company loh kol kho ah khoh tangka pat na thai van hamla Myanmar Oriental Bank oenah oltluep nah akhueh rhoi coeng tilah olthang tunbu dong ka longah patoeng ming lah om.Western Union honah rhang oenah Ram Voel kalongah kol kho lah tangka phaisa n’pat thai coeng de catah Kol kho kalongah Ramvoel benlah lah n’pat thai thlan mue.
Western Union Company tah New York neh Mississippi Valley Printing Telegraph Company loh 1851 kum vengah ana tong lumha cuek. Te kalongah 1856 kum vengah tah the New York and Mississippi Valley Printing Telegraph Company tikah ming ka longah tahe kah Western Union tilah ming atho tih tahe he hil he kah ming he phat a ho nah lah om.
Western Union Company a om thlanah kol kho lah tangka phaisa pat hamla he hondi (ahuep tangka patna) he ho nalah om de catah tahe Western Union a om pahoei coeng atah kol kho lah khoh tangka ayoeica lah n’pat thai lah om coeng.
Kol kho lah tangka pat na ngaih atah na om nah huen kah Western Union Company te ah te cet lang tah kol kho lah tangka pat kangaih nah parhap angoengaih sai ham koi te Western Union ah bii aka bi thlang loh van thui buet ni.

Saturday, 22 December 2012

Tapvoep Coelca thlanah Poekhet lumha



He kong he n’huk vengah Matu Groups dongah voikhat tah ka thut coeng de tahe konglongsom blog dongah koep ka thut bal mai eh.

Hinkhat vengah mhawbi ka longah rangon khopuei khaw sule benlah ceh hamla ka cai. Bus a duemnah (Bus Stop) pha thlanah kho thlan khungdeng. Khangrhoep bal ah nithawng vik ka hilh tih lakphak dawr ah lawm ka kun tih rhaih k aba koep. Khothlan ahap neh Bus bawh na lah ka cet tih Bus ka rhing. Khothlan baw akai nuem Bus khoh va pawk hai nawh. Rhaih a om coeng atah Bus pakhat pacak va pai, maitung maitang ah Bus khaw lah lawm ka lut. Thlang khek be tih pai nah huen kang na khoh seh om nawh. Thlang kep ah ngangah ka ep tih thlalangawng benlah puk ka yuengyet uh tih amah tae ah te ka pai.  

Ka pai nah huen ka longah kamah kah tengvai te ka dan lauha tah cadong thahuem kum (30) thluk ngawn lo poen ni ke ngolhnah thuden dongah awpawp ngol te ka huh. Cadong pa teng ca teah patongca ( Kum 65 thluk) pakhat tah ngolhnah huen adang muehlah motor dong kah khawn atuk tih pai te ka huh. Cadong pa loh khoh a tengca ah patongca pakhat pai tite ahuh khoh ahuh aming khoh aming ngawn de catah tulah ngaiyaknah nawh. Motor so ka longah thlalangawng voel awpawp adan.

A tengah ngolhhuen a om muehlah patongca ngoepngoep apai te cadong pa loh aming lalal mai ah ngolh huen ahoep peh nawh te bus dong kah aka om thlang naw loh ahuh vengah cadong pa te vawmvawm atap avoep uh.

Khatsut loh tah “ thlang-ang, atengah patongca apai  aming lalal mai ah ngolhuen khoh hoep peh nawh” titih ngomngom a cai thil uh, khatsut loh atap avoep uh. Thlang naw kah atap avoep ol khoh seh cadongpa loh ayak ngawn de ca tah tu lakhoh sak nawh, a kaya mueh lalah lah a om tak.

Rhaih a om vengah tah, arhumnah huen apha coeng dongah patongca tah vik rhum, tede cadong patah amah ngolhna ah amah yayah lah te thlal ngol. Khangrhoep bal ah patongca arhum pahoei ah huta bungvawn pakhat tah motor so lah va luei hang tih patongca apai nah cadong pa teng te ah patlawt pai bal. Cadong pa loh bungvawn hut ate khoh angai nah mueh lah thlalangawng poeng ben lah hoei amel tak bal.

Tapek patongca ngolhhuen apeh uh nawh vengah cadongpa vawpvawp aka tap rhoek kah tapvoep nah te thui soeh voel boeh, tapek kah lak ah ep atap avoep uh bal coeng. “ Anih cadong thahuem aih boel tah huta bungvawn naw tah angolh sak aih mai ve tih amah keh pai aih mai mako” titih vawmvawm a tap uh acai angong thil uh.

Tih, rhaih a om atah cadong pate a rhum nah huen apha val poen ma ke, bus duem nah huen apha vengah tah yityutyat yueng uh tih Bus dong kalongah rhum ham lah pai hang. Tapek kah cadong pa aka tap ka voep naw boeih amik duih ahuel tih cadong pa te sup a sawt uh. Cadong pa loh tu aka ming nawh anglah amah aka so rhoek te caih a nueih thil tih Bus dong longah rhum hamla Bus thawtka ben lah cet. Kai van khoh she cadong pa te ka huh ka sawt het dengah khaw kahuei uh van. Thlangca akho pahit bok angun main a lal ah metiangle a pai thai van rhap pai eh ke. Cadong pa tah akho pahit bok a ngun peh coeng tih thing canghol ( khongun naw loh aho nah ke) oen ni a ceh.

Cadong pa kah a kawng akhuicing a cim hetlah ming thlan vengah tah cadong pa te thlangthen nawh lah poek taloeng de ha catah cadong pa te khongun rhaw pai kawn ke tilah aming pahoei coeng atah a lungbuei khaw dikdik ka yut uh. Ka camaw veng kah Nu Pa ol lawt ka poek tah “ thlang tamdeng boeh, Thlang tapvoep boeh, thlang pakpak coelca boeh, khosi boeihboeih te namah teng lah nil at ahoi u eh” koekoe  thuituen nah ol te lawt ka poek.

Tih, kathui ngaihnah tah thlang kah a om a ih n’ming het thlan mai ah “coi ni ” tikah mah kah poek nah mai lai oenah  thlang n’coel n’ca, n’tap n’voep atah a doeng thaihu lah pawk thai ma nawh. Tilah asai ma ko tilah ati mako n’ti khing lak ah “ kai koi nih ka ti thai van poek eh ya” titih kopoek tal oen khoh apai huenah n’pai koi nih then eh ni.  

Share & Enjoy

Twitter Delicious Facebook Digg Stumbleupon Favorites More