Aung San Thuriya Bwe Ka Dang Rhoek

Kol kho Barhan loh apeh Rhalthenna Koetdoe (Aung San Thuriya Bwe) Ka dang rhoek ;

1. Bomhu Aye Cho

Ralkap Numbat_    Kyi 5180
Battalion         _     Pyidongsu Cityea Battalion (21)
Phun              _     Kol
Ahuhna Kum   _ 1948

_1948 kum kolkho Communist rhalpuei athoh vengah Bomhu Aye Cho heh Nattalin ah tatyinmhu abi. Amah kah hinglung ake na mueh lah a hinglung oenah Rhal kut longah amah kah tatyin te a thlawn. 1948 kum August thla 21 vengah Rhal loh a kah tih duek. Kol kho khaw kah a sang koek rhalthen kutdoe (Aung San Turiya) teh aduek coengah a dang lah om coengah  Kol kho khaw ah lumha bik Rhalthen kut doe aka dang lah om.  


2. Hla Tawng

Ralkap Numbat_    88865
Battalion         _     Burma Rifle (3)
Phun              _     Kol

Ahuhna Kum   _ 1949

_1949 Kum April 28 mincang khonoek 3:00 vengah KOL RHALKAP neh KNDO rhoek Daih Oo kho ah kat uh the. KNDO rhoek apap aih dongah kol rhalkap loh rhal tha noeng nawh tih a huk lah ca nawt uh. Te vengah amah rhalkap puei a sa a sueng na hamla amah dueng ahuk ah tang tih rhal akah peh. Apuei rhal kap rhoek ta boeih loeih de Hla Tawng mah tah amah ti huen ah rhal kut ah pa hoei duek.Ahinglung ake nah muelah arhalkap puei athlawn dongah Rhalthen kutdoe a dang lah om.


3. Thai Coeng

Ralkap Numbat_    Kyi 7288 
Battalion         _     Chin Battalion (1)
Phun              _     Chin

Ahuhna Kum   _ 1950

_Apathum na ah Rhalthen Kutdoe a ka dang heh tah mah Matu (Chin) hoel Bogyi Thai Coeng. Kol Barhan loh apeh Rhalten Kutdoe a ka hu boeih he a duek coengah a dang lah om de anih ca dueng he tah thloep ah a hing lah a dang lah om.

1950- Kol kho ah Vathung cemrhal athoh salaw vengah KNDO rhoek loh Insein, Sawbwa Gyi Kone, u cetking pum im oen athloe rangon kho huen naw kang  ahul thai lah om. Te kah huen boeih  rhal kut longah koep loh hamlah KNDO rhoek oenah puet uh the salaw. Te veng kah a puet uh the dong ah Paham Thai Coeng  he amah dueng khoh lo seh apaya pahit pathum oen khoh lo seh duek rhih mueh lah KNDO loh a ngoldoek nah huen te a rhawt peh thai. Te dongah 1950 kum ah Tungpa Tang Rhalthen kutdoe a dang thai lah om.


4. Sawat Baha Durai

Ralkap Numbat_    01914  
Battalion         _     Chelyin Battalion (4)
Phun              _     Kawrakha

Ahuhna Kum   _ 1950

_1950 yunyan vengah Kol kho he Vangthung rhal dueng mueh lah Taluk Bok rhal loh kho seh tawktawk atuk. 1950 June 17 oen 18 vengah Shan Ram, Tachileik, Talea oen Pankhi longpuei ah Taluk Bok Rhal oenah hum uh the bangrhuet. Swat Baha Durai loh a rhal kap puei oenah Rhalkap Motor (7) tah arhal then oenah akhang lah om. Amah khoh seh ti huenah rhal kut ah pahoei duek van.

5. Saw Ba Ye

Ralkap Numbat -om nawh
                        Thlang Thawt
Phun              _  Karen

Ahuhna Kum   _ 1951

_ Saw Ba Ye heh Rhalkap nawh ni. Thlangthawt mailai ni. Tantaung, Yaetokyi kho ah KNDO rhoek loh Kol rhal boi a Bomhu Mg Mg a tuk tih tlong abuen tih tung khawah a up. Bomhu Mg Mg athlawt hamlah Apaya Rhalkap Saw Myint oenah 8-6-1951 hin longah apalki rhoi tih 28-6-1951 hin vengah Bomhu Mg Mg teh rhal kut longah adem sak.  Amah khoh seh rhal kut ah a lu pahoei a voeih van.

6. Saw Myint            

Ralkap Numbat_    00603  
Battalion         _     Burma Rifle (1)
Phun              _     Karen

Ahuhna Kum   _    1951

_Tantaung, Yaetokyi kho ah KNDO rhoek loh Kol rhal boi a Bomhu Mg Mg a tuk tih tlong abuen , tung khawah a up. Bomhu Mg Mg athlawt hamlah Apaya Saw Ba Ye oenah 8-6-1951 hin longah apalki rhoi tih 28-6-1951 hin vengah Bomhu Mg Mg teh rhal kut longah adem sak. Amah lah rhalboi athlawt vengah carhuep loh akho ah akah de Amah kah hinglung lak ah Arhalboi kah yawn apoek peh. Arhalboi tah rhla kut longah loeih de Saw Myint tah rhal kut ah duek. 1951 kum vengah Kol barhan loh rhalthen kutdoe apeh.